A mund të forcohet sërish Liverpool në janar?

Raportohet se Liverpool po përgatitet për një tjetër lëvizje të madhe në merkato para afatit kalimtar të janarit.

Këtë verë, “The Reds” shpenzuan shuma të mëdha parash duke transferuar lojtarë si Alexander Isak, Florian Wirtz, Hugo Ekitike, Milos Kerkez, Jeremie Frimpong, Giovanni Leoni, Armin Pecsi dhe Freddie Woodman.

Megjithatë, ata dështuan të finalizonin marrëveshjen në ditën e fundit të merkatos për të sjellë mbrojtësin e Crystal Palace, Marc Guehi, pasi “The Eagles” tërhoqën marrëveshjen në momentin e fundit.

Në total, Liverpool shpenzoi mbi 450 milionë euro, pavarësisht se tashmë kishte një skuadër të mjaftueshme për të fituar titullin e Premier League 24/25.

Duke parë përpara, raportohet se Arne Slot ka vendosur objektivin për një tjetër nënshkrim të ri, i cili mund të ndodhë në afatin kalimtar të dimrit.

Sipas një raporti të DAVE OCKOP, Liverpool ka një interes serioz për yllin e Palace, Adam Wharton.

Sugjerohet se, pavarësisht interesimit nga klube të tjera, Wharton preferon një lëvizje drejt “Anfield”.

Raporti thekson gjithashtu se gjigantët spanjollë Real Madrid po e ndjekin nga afër mesfushorin dhe çdo transferim pritet të jetë mbi 60 milionë £.

Për më tepër, është raportuar se Wharton mund të kalojë te Liverpool në janar, por kjo varet nga mënyra se si kampionët e Premier League do t’i qasen merkatos.

Wharton, 21 vjeç, ka bërë përshtypje që prej transferimit të tij nga Blackburn Rovers te Crystal Palace në vitin 2024.

Pas një serie paraqitjesh mbresëlënëse për Palace, Wharton debutoi me Anglinë në qershor 2024, përpara se të përfshihej në listën e Gareth Southgate për Euro 2024 në Gjermani.

Deri më tani, i riu ka zhvilluar gjithsej 49 ndeshje për klubin londinez.

Duke folur këtë javë për shpenzimet e Liverpoolit, Slot tha:

“Mendoj se ky është modeli që përdorim në këtë klub. Është modeli që përdor edhe pronësia, dhe ne duhet t’u japim komplimente, jo vetëm atyre por edhe Richardit, Michaelit, të gjithë atyre që ishin të përfshirë në këtë merkato, sepse kemi tregtuar shumë lojtarë. Kemi krijuar buxhetin tonë duke shitur lojtarë, duke fituar ligën dhe si rezultat kemi sjellë shumë lojtarë që janë më të rinj se ata që shitem, kështu që ndoshta kemi siguruar të ardhmen dhe megjithatë të gjithë flasin vetëm për ata që sollëm. Ky është komplimenti më i madh që mund të marrësh.” /GazetaExpress/