Ramiz Lladrovci ka mbajtur dy tubime zgjedhore në të cila prania qytetare ishte sa dyfishi i qytetarëve në zgjedhjet qendrore.

“Shpifjet, as montazhat e incizimeve e as konferencat e lodhta të sponsorizuara nga keqbërësit, nuk mund ta ndalin fitoren tonë, më 12 tetor, me 101 arsye, “Për Drenasin Kampion”, ka shkruar Lladrovci.

Postimi i plotë:

Sipas agjendës, në Korroticë të Ulët dhe Zabel të Ulët, në Shkollën Arif Shala”, si dhe në Çikatovën e Re, në Shkollën “Ali Gashi”, bashkë me Kaltrina Qerkinajn, Valdet Currin, Alban Lekun, Ekrem Elshanin, Anjeza Kurtajn dhe kandidatët e Listës për Kuvendin e Komunës, mbajtëm tubim zgjedhor ku theksuam disa nga 101 arsyet “Për Drenasin Kampion”.

Megjithëse ftohtë, tubimin e parë e mbajtëm në oborrin e Shkollës për shkak se ambientet ku ishte planifikuar tubimi ishte i ngushtë për dyfishin e qytetarëve të pranishëm krahasuar me zgjedhjet qendrore, po ashtu edhe në Çikatovë gjendja ishte e njëjtë.

Energjia jonë është e bazuar në besimin qytetar, për qeverisjen me duar të pastra, qeverisje që për nëntë vjet, asnjë zyrtar i komunës së Drenasit nuk e kishte asnjë akuzë e asnjë dënim, sepse, ne kemi dhënë premtimin me kohë se qeverisja jonë do të jetë shembullore.

Këtë e dëshmojnë titujt gjashtë herë kampion të performancës në qeverisje lokale, presim këto ditë edhe shpalljen kampion për herë të shtatë.

Shpifjet, as montazhat e incizimeve e as konferencat e lodhta të sponsorizuara nga keqbërësit, nuk mund ta ndalin fitoren tonë, më 12 tetor, me 101 arsye, “Për Drenasin Kampion”!

Vazhdojmë edhe katër!

https://www.facebook.com/share/p/1BPNMX3Whg/?mibextid=wwXIfr