Emmanuel Macron ka deklaruar se nuk do të mbetet në politikë pasi të largohet nga Pallati Elysee në vitin 2027, kur t’i përfundojnë dy mandatet maksimale.

“Unë nuk kam qenë i përfshirë në politikë para [se të bëhesha president] dhe nuk do të jem i përfshirë as më pas”, tha presidenti francez para studentëve në Nikosia, gjatë një vizite dyditore në Qipro për një takim të Këshilli Evropian.

I zgjedhur në vitin 2017 në moshën 39-vjeçare, Macron u bë presidenti më i ri i Francës që nga themelimi i Republikës së Pestë Franceze në vitin 1958.

Ai u rizgjodh në vitin 2022, por nuk mund të kandidojë për një mandat të tretë në zgjedhjet presidenciale të vitit të ardhshëm, shkruajnë mediat.

Macron says he won’t stay in politics after 2027:

I didn’t do politics before, I won’t do it after.pic.twitter.com/jBlc02uxYj

— Clash Report (@clashreport) April 24, 2026

Macron, i cili ka shërbyer edhe si ministër i ekonomisë nga viti 2014 deri më 2016 nën qeverinë socialiste të François Hollande, nuk dha detaje për hapat e tij të ardhshëm.