Mali i Zi zgjedh sot presidentin, shqiptarët mbështesin Gjukanoviqin

15 prill 09:29

Sot votohet në zgjedhjet presidenciale të Malit të Zi, të cilat cilësohen tejet të rëndësishme për qëndrueshmërinë dhe për të ardhmen e këtij vendi.

Në garë marrin pjesë 7 kandidatë, por beteja zhvillohet mes kandidatit të partisë në pushtet, Milo Gjukanoviq ish-kryeministër dhe rivalit të tij të pavarur Mladen Bojaniç.

Sondazhet japin fitues që në raundin e parë ish-kryeministrin Gjukanoviq, megjithëse fjalën e fundit do ta thotë vota e qytetarëve.

Gjukanoviq, një veteran i politikës u kthye me forcë në skenë dhe premton vazhdimin e rrugës evropiane të vendit.

Rivali i tij Bojaniç, nuk kundërshton anëtarësimin në BE, por duket qartë që anon nga raportet më të forta me Moskën.

Në këto zgjedhje, faktori shqiptar në Malin e Zi ka premtuar mbështetje për Gjukanoviqin duke i rritur ndjeshëm mundësitë e tij për të realizuar parashikimin e sondazheve.

 

Lajme të sponsorizuara

Të fundit
Anëtari i Kryesisë së Nismës Socialdemokrate, njëherësh ministër i Tregtisë…