Ministrja për Evropën e Punët e Jashtme, Olta Xhaçka, ka kujtuar sot masakrën e Reçakut të kryer nga ushtria serbe në Kosovë.

Xhaçka ka shkruar në “Twitter” se kujtimi i tyre dhe i mijëra burrave, grave dhe fëmijëve të vrarë në krime të tjera të panumërta të luftës të kryera nga regjimi serb në Kosovë kërkon ende drejtësi dhe pajtim.

“Përkujtojmë sot me nderim 45 burrat, gratë dhe fëmijët e pafajshëm që u masakruan në Raçak nga regjimi serb, në një akt të vrasjes së qëllimshme dhe pa dallim. Sot kujtimi i tyre dhe kujtimi i mijëra burrave, grave dhe fëmijëve të vrarë në krime të tjera të panumërta të luftës të kryera nga regjimi serb në Kosovë kërkon ende drejtësi dhe pajtim. Por, gjithashtu shërben si një kujtesë e fuqishme se sa shumë i gjithë rajoni ynë duhet të punojë së bashku për të ndërtuar një të ardhme të paqtë dhe me prosperitet, e qeverisur me një filozofi që refuzon mentalitetin e gjenocidit i cili ishte përgjegjës për masakrën në Reçak”, ka shkruar Xhaçka.

1/3. Today we honor the memory of 𝟰𝟱 innocent men,women & children that were massacred in #Raçak by the Serbian regime in an act of deliberate & indiscriminate murder. pic.twitter.com/ARnZ8MTzg4

— Olta Xhaçka (@xhacka_olta) January 15, 2023