Ish-kapiteni legjendar i Bayern Munchen, Lothar Matthaus, tregoi për “Sky” se si e bindi para shumë vitesh ish-lojtarin bavarez, Mehmet Scholl, për të ardhur në Munchen.

“E mora në telefon dhe i thashë: Mehmet, e di që nëse zgjedh të luash për Frankfurtin, mund të fitosh më shumë para dhe ku i dihet, edhe ndonjë trofe. Por nëse vjen te Bayerni, mund të bëhesh një nga lojtarët më të mirë në Gjermani dhe mund të fitosh gjithçka. Ai nuk hezitoi dhe pas disa muajsh erdhi në skuadër. Pjesa tjetër është histori”, ka thënë Mateus.