Mbi 13 milionë raste me COVID-19 në të gjithë botën

13 korrik 11:05

E diela ishte dita me numrin më të lartë të infektimeve me koronavirus në botë, sipas Organizatës Botërore të Shëndetësisë. Mbi 230 mijë rastesh u shënuan në 24 orët e fundit, shumica e të cilave në SHBA.

Ndërsa numri i të prekurve nga koronavirusi i ri (COVID-19) në mbarë botën ka shkuar në mbi 13 milionë, transmeton Anadolu Agency (AA).

Gjithsej 13.041.698 raste me virusin janë regjistruar deri më tani në mbarë botën, sipas faqes së internetit “Worldometer”, e cila përpilon të dhënat në lidhje me pandeminë.

Numri më i madh i të infektuarve është regjistruar në SHBA, me gjithsej 3.413.995 raste deri më tani.

Pas SHBA-së radhiten Brazili (1.866.176), India (879.466), Rusia (727.162), Peruja (326.326), Kili (315.041), Spanja (300.988), Meksika (299.750), Britania (289.603), Afrika e Jugut (276.242), Irani (257.303), Pakistani (251.625), Italia (243.61) dhe Arabia Saudite (232.259).

Ndërkaq, në Turqi, numri i të diagnostikuarve me COVID-19 ka arritur në 212.993.

Vendet e tjera me të paktën 70 mijë të infektuar janë Gjermania (199.950), Bangladeshi (183.795), Franca (170.752), Kolumbia (150.445), Kanadaja (107.590), Katari (103.598), Argjentina (100.166), Kina (83.602), Egjipti (82.070), Iraku (77.506), Indonezia (75.699) dhe Suedia (74.898).

Pas shfaqjes për herë të parë në Wuhan të Kinës në dhjetor të vitit të kaluar, koronavirusi është përhapur në mbarë botën, ndërsa deri më tani jetën kanë humbur 571.660 persona. Ndërkaq, rreth 7,6 milionë njerëz janë shëruar nga virusi.

Lajme të sponsorizuara

Të fundit
Deputetja e PDK-së, Blerta Deliu, ka thënë se akuzat e…