Mbi 16 mijë të vaksinuar në 24 orët e fundit
27 korrik 2021
| 15:08
Ministria e Shëndetësisë (MSh) ka njoftuar se gjatë 24 orëve të fundit në Kosovë janë vaksinuar kundër Covidit mbi 16 mijë qytetarë.
Sipas kësaj ministri, numri i përgjithshëm i të vaksinuarve me dozën e dytë të vaksinës ka shkuar në mbi 117 mijë.
“Në 24 orët e fundit janë dhënë 16 199 doza të vaksinës kundër Covid-19. Prej fillimit të vaksinimit në të gjitha qytetet e Kosovës janë dhënë 374 190 doza të vaksinës. Deri më sot 117 382 qytetarë janë vaksinuar me dozën e dytë”, ka njoftuar MSh-ja.
