KALTRINA BERISHA

Melinë

Mesdita ka nis me ardhë

me kujtimin e të qeshurës sate

Melinë!

Ajo vjen si breshkë

e ikën me shpejtësinë e dritës

me të vjen shiu

madje edhe acari nga veriu.

Dimri pat mbërri në verë atë vit

pat ardhë veç me i marrë sytë e tu

e toka me e përqafu trupin tand.

Vjeshta na i verboi sytë

e si urithë nisëm pelegrinin.

Aty ku pasioni bahet nji me buzëqeshjen

te prekja e parë, e ajrit me tokën.

Aty ku nji vdekatare zgjedh fatin e saj

përtej ligjeve e frymimit të kopesë,

aty fillon pelegrini.

Me të tan hovin

e gjakut të saj prandveror!