Merkeli, vizitë zyrtare në Kinë

24 maj 10:39

Kancelarja gjermane, Angela Merkel, do të takojë sot në Pekin kryeministrin e Kinës, Li Keqiang, me të cilin do të diskutojë për rëndësinë e dialogut midis Kinës dhe Gjermanisë në kohën e shqetësimeve për tregtinë me Shtetet e Bashkuara dhe tërheqjes së Uashingtonit nga marrëveshja bërthamore me Iranin.

Merkeli ka theksuar edhe rëndësinë për konsultime të rregullta me Kinën mbi çështjet e të drejtave të njeriut, shkencën dhe teknologjinë, raporton “Rel”.

Kjo është vizita e parë e Merkelit në Kinë, prejse ajo ka formuar qeverinë e re.

Kjo vizitë pason udhëtimet e saj në Uashington, ku ka takuar presidentin amerikan, Donald Trump, dhe në Soçi të Rusisë, ku ka takuar presidentin rus, Vladimir Putin.

Lajme të sponsorizuara

Të fundit
Kryetari i Hanit të Elezit, Refki Suma, është takuar të…