Milaim Zeka: Priten arrestime në QNR, Albana Bytyqi do të bëhet deputete

09 mars 2021 | 11:20

Ish-deputeti i Kuvendit të Kosovës, Milaim Zeka, ka komentuar rastin e fundit të manipulimit të votave në Qendrën e Numërimit dhe Rezultatit (QNR).

Ai ka shkruar në llogarinë e vet në “Facebook” se sipas informacioneve që posedon priten arrestime në QNR dhe, sipas tij, Albana Bytyqi (AAK) do të bëhet deputete pas rinumërimit të votave, ku kjo e fundit ka akuzuar bashkëpartiaken Meliza Haradinaj-Stublla për manipulim të votave.

“Arizoni i cili del si emër në videoincizimin e publikuar nga Insajderi, sipas burimeve të mia të informacionit, ka një emër krejt tjetër. Ai përmes disa zyrtarëve të lartë politikë ka hyrë në Qendrën e Numërimit me një begj krejt fals. Policia e Kosovës bashkë me prokurorin e dinë një gjë të tillë”, ka shkruar Zeka.

Postimi i plotë i tij pa ndërhyrje:

Priten arrestime ne Qendren e Numerimit

Albana Bytyqi do behet deputete
Arizoni i cili del si emer ne videoinqizimin e publikuar nga Insajderi, sipas burimeve te mia te informacionit, ka nje emer krejte tjeter. Ai, permes disa zyrtareve te larte politik, ka hy ne Qendren e Numerimit me nje begj krejte fallc. Policia e Kosoves, bashke me prokurorin, e dine nje gje te tille.
Perplasjet kane ardhur pas dyshimeve te shprehura nga disa njereze qe kane aderuar se voni ne AAK, se po demtoheshin nga komisioneret e kesaj partie, dhe nga disa kolege te futur ne listate e deputeteve. Skandali eshte i thelle, edhe shume gjera do behen publike.
Njerezit brenda AAK-se flasin per keto manipulime, te cilat jane bere edhe me mbeshtetjen e disa deputeteve te vjeter.
Ish deputeteja e AAK-se, e cila fillimisht e akuzoi publikisht Meliza Haradinajn per ”manipulime”, sipas te gjitha gjasave do behet deputete. Pjesa e vazhdimit mbetete pune per policine, dhe prokurorine. Shume komisioner duhet arrestuar, sepse permes manipulimeve te tyre, vritet edhe vota, edhe demokracia…!

No description available.

Lajme të sponsorizuara

Të fundit
Kandidati për deputet nga radhët e Partisë Demokratike të Kosovës…