Ajo është padyshim një nga personazhet publike më të njohura në botë. Është fjala për miliarderen e famshme, Kylie Jenner.

Ylli televiziv shfaqet gjithmonë e kuruar në publik apo në rrjetet sociale. E reja tregon se ka shumë stil në veshje dhe nuk i zhgënjen fansat me zgjedhjet e saj. Por së fundmi i ka surprizuar të gjithë.

Kylie ka postuar së fundmi një video ku pozonte para pasqyrës. Ajo mbante veshur një palë pantallona dhe bluzë të bardh si gjithnjë shumë seksi. E veçanta këtu është se pantallonat e saj janë të stiluar nga stilistë shqiptarë të firmës “Street style jeans”.

Vetë firma ka publikuar video në rrjetet sociale duke ndarë lajmin e bukur me ndjekësit e tyre. Stilistët marrin xhinsa të vjetra dhe i përshtatin me trendet e fundit, madje edhe i personalizojnë veshjet.

Deri tani janë të shumtë personazhet publike shqiptare që ia kanë besuar veshjen e tyre, por Kylie e çoi suksesin e tyre në një tjetër nivel.