Ministri i Mbrojtjes, Ejup Maqedonci sot ka pritur në takim ambasadorin e Republikës së Kosovës në Republikën e Maqedonisë së Veriut, Florian Qehaja dhe zëvendës ambasadorin, Prindon Sadriu.

Ambasadori Qehaja i ka uruar ministrit Maqedonci emërimin në detyrën e re, duke shprehur gatishmërinë e plotë për angazhim në thellimin e bashkëpunimit në fushën ushtarake me Maqedoninë e Veriut.

Partneriteti me shtetet fqinje me të cilat ndajmë vlera të përbashkëta është në interes të të gjitha palëve dhe në funksion të paqes, stabilitetit në vend, rajon dhe më gjerë.