Ministrja Hoxha pas dëshmisë së Vasfijes në Kongresin Amerikan: Krimi nuk vjetrohet kurrë

30 prill 2019 | 21:08

Sot, para Komisionit të Kongresit Amerikan, ka dëshmuar për dhunën dhe tmerrin që ka përjetuar, Vasfije Krasniqi-Godman.

Me këtë rast, ministrja Dhurata Hoxha, ka falënderuar Kongresin Amerikan “që riktheu vëmendjen për tmerrin dhe krimin që përjetuan qytetarët tanë nga kriminelët”.

Ministrja Hoxha ka theksuar se krimi nuk vjetrohet kurrë.

Ja postimi i ministres Hoxha në fb:

“Para Kongresit Amerikan, heroina Vasfije Krasniqi-Godman, dëshmoi për dhunën që ka përjetuar, para dy dekadash.

Sikur Vasfija, janë edhe me mijëra raste tjera, të cilat nuk kanë marrë dënimin meritor nga drejtësia.

Falënderim për Kongresin Amerikan që riktheu vëmendjen për tmerrin dhe krimin që përjetuan qytetarët tanë nga kriminelët.

Krimi nuk vjetrohet kurrë!”

#DhurataHoxha”

Lajme të sponsorizuara

Të fundit
Dëshmitë e Vasfije Krasniqit-Goodman, ish-presidentes Atifete Jahjaga dhe Ilir Bytyçit…