Ministrja ruse e Arsimit propozon transferimin e jetimëve ukrainas në familje ruse për të mësuar gjuhën. Ukraina: akt gjenocidal
Krahas vrasjeve, përdhunimeve dhe masakrave të konfirmuara që trupat ruse po ushtrojnë në Ukrainë, mediat shkruajnë që po kryhet edhe transferimi i dhunshëm i fëmijëve nga një grup etnik në një tjetër.
Ministrja e Arsimit e Rusisë, Lilia Gumerova, ka propozuar transferimin e fëmijëve jetimë nga Ukraina në familjet ruse.
Përveç kësaj, shkruan Ivanna Klympush, kryetarja e Komisionit Parlamentar për Integrimin e Ukrainës në BE, “ata planifikojnë t’u mësojnë me forcë rusisht fëmijëve të rrëmbyer ukrainas”.
“Ata tashmë përgatisin kampe me super intendentët e tyre fanatikë për këtë”.
“E gjithë kjo situatë i ngjan fushatës naziste të rrëmbimit të fëmijëve polakë gjatë Luftës së Dytë Botërore”, shkruan studiuesja polake, Kateryna Pryshchepa, në median sociale Twitter.
Russian Duma member Lilia Gumerova says Ukrainian kids deported to Russia don’t speak Russian well enough, and there will be summer camps to teach them the language. https://t.co/7tAMkE7dZk This all resembles the Nazi campaign of kidnapping Polish children during WWII
— Kateryna Pryshchepa (@KPryshchepa) April 13, 2022
A po bën Rusia gjenocid?
Ndërsa raportet për mizori dalin nga qytetet ukrainase të Bucha-s, Irpin-it, Borodyanka-s dhe të tjerë, thirrjet për të etiketuar veprimet e Rusisë në Ukrainë si gjenocid sa vijnë dhe shtohen.
Presidenti ukrainas, Volodymyr Zelensky, ka akuzuar vazhdimisht Rusinë për kryerjen e “gjenocidit” dhe të martën presidenti amerikan, Joe Biden ra dakord, duke thënë se është bërë e qartë se presidenti rus Vladimir Putin “po përpiqet të fshijë edhe idenë e të qenit ukrainas”.
Por, shumica e liderëve të tjerë deri më tani janë përmbajtur nga përdorimi i termit, përfshirë presidentin francez, Emmanuel Macron.
Si përkufizohet gjenocidi në të drejtën ndërkombëtare.
1/2 #Russia’s ministry of education is proposing to transfer orphan kids from #Ukraine to #Russian families. In addition, they plan to forcibly teach abducted #Ukrainian children Russian. They already prepare camps with their fanatical superintendents for this.
— Ivanna Klympush (@IKlympush) April 13, 2022
Termi “gjenocid” u krijua në fillim të viteve 1940 nga avokati polak Raphael Lemkin, i cili kombinoi “genos”, parashtesën greke që do të thotë familje ose racë, me prapashtesën latine “cide”, që do të thotë vrasje.
Termi u përcaktua dhe penalisht krijoi atë ligjërisht si krim në Konventën e vitit 1948 për Parandalimin e Krimit të Gjenocidit, e cila hyri në fuqi në vitin 1951.
Sipas Konventës, gjenocidi përkufizohet si “akte të kryera me qëllim për të shkatërruar, tërësisht ose pjesërisht, një grup kombëtar, etnik, racor ose fetar”.
Sipas Konventës krimi gjenocidal përfshin vrasje të anëtarëve të një grupi, lëndime të rënda trupore ose mendore, masa për të parandaluar lindjet dhe transferimin me forcë të fëmijëve nga një grup etnik në një tjetër.
1/2 #Russia’s ministry of education is proposing to transfer orphan kids from #Ukraine to #Russian families. In addition, they plan to forcibly teach abducted #Ukrainian children Russian. They already prepare camps with their fanatical superintendents for this.
— Ivanna Klympush (@IKlympush) April 13, 2022