Forca e motrave Rodriguez është familja! Ndryshojnë partnerët, por mami e babi janë gjithmonë aty! Belen e Cecilia janë shumë të lidhura me prindërit, të cilët janë transferuar në Itali për të qëndruar të gjithë së bashku.

Dy motrat e famshme kalojnë shumë kohë me ta, siç është rasti i fundit. Në një ditë me diell në Milano, Cecilia ka vendosur që të dalë shëtitje me nënën e saj, Veronica Cozzani. Ajo është kapur mat nga paparaci, të cilët kanë kapur edhe një detaj të sikletshëm në veshjen e modeles bukuroshe.

Kjo e fundit shfaqet e veshur sportive me një palë pantallona të shkurtra, të cilat duket se i janë grisur pas. Në fotot e publikuar nga mediat italiane vihet re se si e motra e Belen Rodriguez mundohet që ta fshehë me dorë vrimën që i është bërë në pantallona.

Ndërsa mbante në duar edhe një çantë të vogël të “Bottega Veneta”. Kjo konsiderohet si një nga çantat më të preferuara të momentit nga femrat dhe kushton 3 mijë euro.