Ky është momenti i jashtëzakonshëm kur një fermer i guximshëm në Kent, Britani e Madhe përpiqet dëshpërimisht të ngadalësojë një zjarr të egër që po përhapej në një fushë për të shpëtuar shtëpinë e fqinjit të tij.

Zjarri u përhap në pothuajse 20 hektarë tokë, megjithatë, fermeri hero Bill Alexander hyri me shpejtësi dhe përdori traktorin e tij për të prerë të korrat rreth zjarrit dhe për të ndihmuar në ngadalësimin e tij pasi era i ktheu flakët drejt shtëpisë së fqinjit të tij.

Pamjet treguan traktorin e gjelbër vetëm disa metra larg ferrit të madh, teksa Alexander e drejtonte pa frikë automjetin mes tymit dhe flakëve të larta.

Andy Barr, i cili zotëron fermën Kent, falenderoi fqinjin e tij të mirë për veprimin e tij heroi dhe postoi në Twitter imazhin e traktorit duke prerë të korrat.

Ai shkroi: “Ju lutemi thuajuni të gjithëve që të kenë kujdes se çfarë bëjnë përgjatë rrugëve dhe shtigjeve, 20 hektarë elb pranvere të ndezur në flakë. Kjo foto e shkrepur nga djali im ishte kur era u kthye drejt shtëpisë së vëllait tim. Për fat të mirë Bill Alexander dhe Jonny & Ellie e shpëtuan”.

Zjarri u shua përfundimisht pas 90 minutash. Nuk dihet ende se çfarë e shkaktoi ferrin.

Një seri zjarresh shpërthyen në Mbretërinë e Bashkuar këtë javë. Shumë familje u evakuuan mes flakëve në të gjithë vendin, me temperatura rekord prej 40.3 gradë Celsius.

Zjarrfikësit i përshkruan flakët që shpërthyen nëpër shtëpi dhe ndërtesa në Londër si “ferr absolut” me banorët e evakuuar pasi shtëpitë u shkatërruan, dy persona u dërguan në spital të asfiksuar nga tymi dhe 1600 të tjerë thirrën për ndihmë.

Qindra ekuipazhe zjarrfikëse luftuan me zjarre të furishëm në Uells, Skoci dhe në pjesën tjetër të Anglisë.