Sulmuesi i Tottenham Hotspur, Harry Kane pësoi një lëndim në këmbë ditën e Vitit të Ri, gjatë ndeshjes kundër Southamptonit.

Trajneri Jose Mourinho ka bërë me dije se sulmuesi anglez nuk do të rikthehet para muajit maj. “Spurs” takohen me Leicester Cityn me 9-10 maj në ndeshjen e parafundit në Premier Ligë.

“Pres të kthehet në ndeshjen kundër Leicesterit. Ndoshta do të na duhet ajo ndeshje për diçka. Që të jemi në pozitën e katërt, të pestë apo të gjashtë. Ndoshta ai do të mundë të na ndihmojë në atë ndeshje. Shpresoj”, ka thënë Mourinho.