MSh: 85 mijë vaksina kundër gripit sezonal janë në dispozicion të qytetarëve

31 tetor 15:02

Sot ka nisur vaksinimi kundër gripit sezonal për qytetarët e Kosovës.

Lidhur me këtë, Ministria e Shëndetësisë një përgjigje për Telegrafin ka njoftuar se numri i vaksinave në tërë territorin e Kosovës është 85,000.

E në kuadër të kësaj, shpërndarja e tyre është bërë në të gjitha Qendrat Kryesore të Mjekësisë Familjare.

“Ju informojmë se sasia e vaksinave kundër gripit sezonal është 85,000 vaksina dhe shpërndarja e tyre është bërë në të gjitha QKMF-të në nivel vendi”, ka njoftuar MSh.

Kurse në Komunën e Prishtinës këtë vit vaksinimi do të bëhet në 13 QMF-ja.

Drejtori i Shëndetësisë në Komunën e Prishtinës, Bujar Gashi, ka thënë se për momentin në stok janë 6,500 vaksina dhe se të planifikuara deri në përmbylljen e procesit janë 11,000 vaksina kundër gripit sezonal.

“Këtë vit vaksinimi kundër gripit sezonal është decentralizuar nga një njësi në 13 QMF. Si rezultat i saj sot nuk është vërejtur grumbullim i qytetareve. Për momentin kemi 6,500 vaksina ne stok, ndërsa të planifikuara janë 11,000 vaksina”, thuhet në përgjigjen e Gashit.

Ministria e Shëndetësisë u ka bërë thirrje qytetarëve sidomos personave më të moshuar dhe personave me sëmundje kronike që të vaksinohen për t’u mbrojtur nga gripi sezonal.

Lajme të sponsorizuara

Të fundit
Bizneset dhe familjet në Kosovë del të kenë goxha para…