Mund të shkojmë në zgjedhje, por MPB-në nuk e japim

05 dhjetor 2019 | 21:47

Anëtari i Këshillit të Përgjithshëm i Lëvizjes Vetëvendosje (LV), Agim Bahtiri, ka bërë me dije se kjo parti në asnjë mënyrë nuk do t’ia japë Lidhjes Demokratike të Kosovës (LDK) Ministrinë e Punëve të Brendshme (MPB).

Në këtë intervistë dhënë për gazetën “Epoka e re”, kryetari i Mitrovicës ka thënë se LV-ja është e gatshme të shkojë sërish në zgjedhje të reja, por nuk do ta lëshokëtë ministri.

Sipas tij, MPB-ja lidhet me premtimet kryesore të kësaj partie që ka bërë gjatë fushatës zgjedhore për rend dhe ligj.

Ai ka deklaruar se MPB-ja është pika kryesore e ndryshimit të gjendjes në Kosovë.

Ndërkaq sa i përket postit të presidentit, Bahtiri ka thënë se nuk është koha që të diskutohet për këtë çështje.

Ai beson se koalicioni qeverisës mes LV-së dhe LDK-së do të arrihet sepse, sipas tij, nuk ka alternativë tjetër.

(Intervistën e plotë mund ta lexoni në numrin e së premtes të gazetës “Epoka e re”)

Lajme të sponsorizuara

Të fundit
Teksa 2019-n është drejt fundit, Agjencia ‘EPA’ ka publikuar edhe…