Deputeti Besian Mustafa ka reaguar pas takimit të kryetarit të LDK-së, Lumir Abidixhikut me kryeministrin e Kosovës, Albin Kurti.

Sipas Mutafës, Kurti nuk dëshiron të gjejë zgjidhje për president bashkë me LDK-në.

“Albini sapo përsëriti ‘80-81 vota për president nuk është caku ynë’. Pra, nuk po do me gjetë zgjidhje për president bashkë me LDK-në”, ka shkruar Mustafa në “Facebook”.

Mustafa  ka përmbyllur postimin e tij me këtë fjali: “Veç mos thuani pastaj LDK-ja po na çon në zgjedhje”.

Ndryshe, takimi Kurti-Abdixhiku ka përfunduar pa ndonjë rezultat konkret.