Ragmi Mustafa, politikan shqiptar nga Lugina e Preshevës, ka porositur presidentin e Kosovës, Hashim Thaçin dhe kryeministrin Ramush Haradinaj, që të mos e harrojnë Luginën e Preshevës.

Ai përmes një postimi në “Facebook”, ka theksuar se Lugina e Preshevës duhet mbetur temë bosht në dialogun me Serbinë. 

Postimi i plotë: 

Duke parë samitin e ditës së sotme të Berlinit shumë të rëndësishëm e historik për shqiptarët e Republikës së Kosovës, të rajonit e me theks të veçantë në Luginë të Preshevës, përfitojmë nga rasti që dy krerëve më të lartë të shtetit z. Hashim Thaçi e Ramush Haradinaj t’Ju urojmë suksese të pafund në këtë ngjarje historike për shqiptarët. Ndërkohë, të dy krerët më të lartë të shtetit Republikë e Kosovës luten që mos të harrojnë në asnjë çast kohorë edhe Luginën e Preshevës. Për këtë ngjarje, por edhe ato që priten, njëlloj si edhe një vit i plotë i shkuar më parë, të mbetet temë boshte edhe statusi i shqiptarëve në Luginë të Preshevës duke fuqizuar akoma më shumë vullnetin e shqiptarëve të këtyre tre komunave edhe në instanca më të larta ndërkombëtare drejt Ribashkimit të tyre me Republikën e Kosovës, bazuar në vullnetin e shqiptarvë të Preshevës, Medvegjës e Bujanocit të shprehur në Referendumin e 1 e 2 marsit të vitit 1992. RM”