Myftiu Tërnava merr pjesë në forumin për promovimin e paqes në Abu Dhabi

05 dhjetor 13:09

Në Abu Dhabi të Emirateve të Bashkuara Arabe ka nisur punimet forumi i pestë për promovimin e paqes në shoqëritë islame.

Në këtë forum po merr pjesë edhe kryetari i Bashkësisë Islame të Kosovës, Myftiu Naimef. Tërnava, i shoqëruar nga një pjesë e kabinetit të tij.

Forumi do të zgjasë dy ditë, ku në mesin e personaliteteve fetare e shkencore do të ligjërojë edhe Myftiu Tërnava.

Ky është forumi i pestë për promovimin e paqes në shoqëritë islame dhe do të zgjasë deri më 7 dhjetor.
Në këtë forum po marrin pjesë më shumë se 800 dijetarë dhe mendimtarë

me ndikim në botë nga 120 vende, përfshirë këtu ministra të punëve fetare, myfti, përfaqësues nga komuniteti myslimanë, si dhe delegatë nga Kombet e Bashkuara dhe organizatat e të drejtave të njeriut në mbarë botën.

Studiuesit dhe intelektualët do të diskutojnë metodologjinë e krijimit të një aleance virtytesh për të arritur një diskurs botërorë të miqësisë dhe bashkëpunimit të ndërsjellë, bazuar në vlerat dhe virtytet e përbashkëta.

/Epoka e re/

Lajme të sponsorizuara

Të fundit
Feronikeli doli nënkampione vjeshtore në IPKO Superligën e Kosovës në…