Ndërpritet puna në hekurudha për dy ditë në Gjermani, punëtorët futen në grevë

11 gusht 14:20

Punëtorët hekurudhorë gjermanë kanë filluar grevën në të gjithë Gjermaninë. Mbajtja e kësaj greve, sipas kryetarit të sindikatës së Hekurudhave të Gjermanisë, është bërë me miratimin e 95 % të anëtarëve të saj.

Edhe udhëtarët ditë më parë janë paralajmëruar se të gjitha linjat hekurudhore do të ndërpriten për dy ditë, në mënyrë që njerëzit të gjejnë zgjidhje për udhëtim pasi trenat janë një nga mjetet e transportit më të përdorura në Gjermani, shkruan Euroneës, transmeton Klankosova.tv.

Sindikata përmes kësaj greve po kërkon një rritje të pagës prej 3,2 përqind dhe një “bonus koronavirus” prej 600 eurosh për secilin punëtor.

Mirëpo, këtë kërkesë për grevë e ka hedhur poshtë operatori gjerman për trena “Deutsche Bahn” duke thënë se kompania ka humbur miliarda euro nga pandemia dhe përmbytjet e fundit që shkatërruan shumë shina të hekurudhave.

Meqenëse shumë banorë mund të kenë rezervuar biletat gjatë ditëve të grevës ata mund të kërkojnë nga kompanitë hekurudhore të rimbursohen.

Lajme të sponsorizuara

Të fundit
Zana Krasniqi, “Miss Universe Kosova” në 2008 dhe modeluese tash…