Pas një sëmundje të shkurt, sonte ka ndërruar jetë në moshën 76-vjeçare Qazim Zymberi, babai i gazetarit të gazetës “Epoka e re” Veton Zymberi nga fshati Ruhot i Pejës.

Baca Qazë ishte një veprimtar i dalluar, njeri punëtor dhe i urtë.

Djali i tij, Vetoni, përmes një postimi në llogarinë e vet në “Facebook” ka shkruar se babanë do ta kujtojnë me krenari gjatë gjithë jetës.

“Ne, do të kujtojmë me krenari gjithë jetën. Kultura jote, urtësia dhe shpirti i bardhë do të jenë udhërrëfyes për ne deri në fund të jetës”, ka shkruar Zymberi.

Varrimi i të ndjerit do të bëhet të enjten, në orën 14:00, në varrezat e fshatit Ruhot.

Stafi i gazetës “Epoka e re” i shpreh ngushëllime Vetonit dhe gjithë familjes Zymberi për humbjen e me të dashurit të tyre.