Kosova më 17 shkurt shënoi 16-vjetorin e pavarësisë së saj.

Shtetin e Kosovës deri më tani e kanë njohur 117 shtete, por jo edhe Serbia fqinje.

Pavarësisht kësaj, gjatë kësaj të marte edhe në kryeqytetin e Serbisë do të shënohet përvjetori i pavarësisë së Republikës së Kosovës.

Organizimi do të bëhet në Zyrën Ndërlidhëse të Kosovës në Beograd.

Aty i ftuar është edhe Nevzad Lutfiu, kryetar i Këshillit Nacional Shqiptar, njofton Klankosova.tv.

Ai në një intervistë në “Sytë 7” në “Klan Kosova”, ka njoftuar për këtë organizim.

Lutfiu ka thënë se organizimi bëhet nga ana e ambasadorit Jetish Jashari, shef i Zyrës Ndërlidhëse të Kosovës në Serbi.

Luftiu ka bërë me dije se ky është viti i dytë që po shënohet përvjetori i pavarësisë së Kosovës në Beograd nga e njëjta zyre.