Shkallët në oborrin e shkollës Fillore të Mesme të Ulët “Hasan Prishtina” në lagjen “Ulpiana” janë në gjendje të mjerueshme.

Prindërit e nxënësve të cilët e frekuentojnë çdo ditë këtë shkollë për t’i dërguar fëmijët e tyre në këtë shkollë i kanë dërguar këto fotografi në redaksinë e gazetës “Epoka e re”.

Ata kanë kërkuar që kjo çështje të gjejë zgjidhje urgjente nga kryetari Shpend Ahmeti.

Shkolla “Hasan Prishtina” është ndër shkollat me numrin me të madh të nxënësve në Prishtinë.

Kërkesa e këtyre prindërve për kryetarin Ahmeti është kjo: “Kryetar Ahmeti ktheje kokën dhe investo edhe nëpër këto tempuj të dijes, gjatë këtyre pak muajve që të kanë mbetur në krye të komunës së Prishtinës”.