Në shtator të këtij viti në Komunën e Gjakovës do të mbahet ushtrimi “Shpata e Argjendtë”, aktivitet ky që organizohet nga FSK-ja, KFOR-i, Policia e Kosovës dhe AME.

“Pata kënaqësinë që t’i pres në takim përgatitor oficerët e KFOR-it, FSK-së, Policisë, përfaqësuesit e AME dhe ata të Kryqit të Kuq. Ky ushtrim do të jetë i mirëseardhur për rritjen e kapaciteteve lokale dhe nacionale për menaxhimin e emergjencave. Jam i lumtur që ushtrimi ‘Shpata e Argjendtë’ do të zhvillohet edhe në Gjakovë”, ka thënë kryetari i Komunës së Gjakovës, Ardian Gjini.