Konsullata e Përgjithshme e Republikës së Kosovës në Nju-Jork ka organizuar pritje me rastin e 16-vjetorit të Pavarësisë së Kosovës për korin diplomatik të OKB-së dhe bashkatdhetarët.

Shefi i Misionit në Konsullatën e Përgjithshme të Republikës së Kosovës në Nju-Jork, ambasadori Blerim Reka, ka theksuar se bashkë me ambasadorin amerikan Robert Wood, nga Misioni i ShBA-së në OKB, hapen mbrëmjen festive të 16-vjetorit të Pavarësisë së Kosovës në praninë e mbi 200 mysafirëve.

“Në 25 vjetorin e çlirimit të vendit, lufta e lavdishme çlirimtare dhe shtet-ndërtimi demokratik, është rrëfim suksesi. Përjetësisht Republika e Kosovës!”, ka shkruar Reka në “Facebook”.