Gazmend Bytyçi

Sot kuptova që në Rahovec

Dinjiteti matet me bishtat e thyer të shatit

Me madhësinë e kallove nëpër duar dhe kokrrave të rrushit

Me plisin e bardhë të graduar me pika djerse

Rahoveciançen e rakinë

Gatitur për dimrat e pritur

Për të dashtë gruan e fëmijët

me një gotë verë Vranç që i çelë syri i pranverës

Sot kuptova që Rahoveci jeton i lirë nën hijen e hardhisë

I heshtur

I dehur nga tradita e lashtësisë