Mosliberalizimi i vizave, “Marakli t’biciklave” protestuan para qeverisë
24 qershor 2022
| 14:15
Disa qytetarë dolën sot për të protestuar në sheshin “Zahir Pajaziti” e të cilët marshuan deri te sheshi “Skënderbeu”, për të kërkuar liberalizimin e vizave me moton “Free Visa for Kosovo”, drejtuar Bashkimit Evropian (BE).
Ata dolën për të protestuar me biçikleta, duke mbajtur në duar flamurin e Kosovës, i rrethuar me tela gjemborë, për të treguar “Kosovën e izoluar”.
Shpend J. Lila përmes një postimi në llogarinë e vet në “Facebook” ka publikuar disa nga fotografitë e protestës.