Radiotelevizioni i Kosovës (RTK) ka nënshkruar të enjten marrëveshjen për huadhënie me Ministrinë e Financave, Punës dhe Transfereve, që do të mundësojë ekzekutimin e pagave për punëtorët e RTK-së.

Lajmin e ka bërë me dije drejtori i përgjithshëm i RTK-së, Hysen Hundozi, i cili ka treguar se pagat do të ekzekutohen nesër (e premte)

“Sapo e nënshkruam marrëveshjen për huadhënie me Ministrinë e Financave, Punës dhe Transfereve. Pagat ekzekutohen nesër, më 22 gusht 2025. Ju faleminderit për besimin dhe mirëkuptimin tuaj”, ka shkruar Hundozi në “Facebook”.