Nis kampanja vetëdijësuese për kujdes gjatë vozitjes

31 korrik 13:24

Ka filluar realizimi i kampanjës vetëdijësuese kundër përdorimit të telefonave gjatë vozitjes e cila shërben si një thirrje e radhës për ngasësit e automjeteve që të kenë kujdes të shtuar gjatë vozitjes.

“EC Ma Ndryshe” ka organizuar Shkollën e Aktivizmit me nxënës të shkollave të mesme nga ku edhe ka dalë si shqetësim përdorimi i telefonave nga ngasësit gjatë vozitjes, duke cenuar sigurinë në trafik.

Si rrjedhojë e kësaj ka dalë edhe ideja për realizimin e kësaj kampanje vetëdijësuese nga nxënësja Kleita Koci, për kujdes të shtuar gjatë vozitjes.

Ky aktivitet është organizuar në bashkëpunim me KVRL- Gjakovë dhe qytetarët e qytetit të Gjakovës, me ç’rast është bërë shpërndarja e fletushkave që përmbajnë mesazhe sensibilizuese dhe statistika të aksidenteve që kanë ndodhur që nga viti 2017 në rajonin e Gjakovës dhe në tërë Kosovën.

/Epoka e re/

Lajme të sponsorizuara

Të fundit
Zyrtarët e lartë komunal të Mitrovicës kanë vazhduar komunikimin e…