DIJE LOHAJ

NJË DITË

Kurdo që të vish,

Mos harro, merri me vete

Flakët dhe gjakun e Prekazit,

Varret në udhëkryq të Çirezit.

Mos ke frikë se ua prish qetësinë.

Merr me vete vaje të grave të Likoshanit,

E dënesje foshnjash nga Llausha.

Mos i mbyll veshët

Me shurdhëri Evrope,

As me pambuk Kosove.

Merr gjymtyrë nga të vrarët e Rahovecit

E mbishkrime nga varret e Reçakut.

Thuaju të mos kenë frikë,

Kujtesë e muzeve të Evropës

Nga shkrumbi dhe hiri

I Kosovës.

(Kjo poezi është botuar në sprovën për antologji “Dritë mbi plagë”, botuar nga Qendra “Gjenocidi në Kosovë – Plagë e Hapur”, Gjenevë, 2020. Në ditët në vijim, duke nisur nga 13 nëntori, në gazetën “Epoka e re”, në portalin online të saj dhe në formatin Pdf po të saj, për çdo ditë do të botohen poezitë e autorëve të botuara në këtë përmbledhje)