Një grua plagos një burrë në Gjilan
12 gusht 2022
| 08:35
Një grua nga Gjilani ka shtënë me armë zjarri ndaj një burrë, të cilin e ka plagosur.
I plagosuri ka marrë trajtim mjekësor dhe është jashtë rrezikut për jetë, sipas raportit mjekësor.
Policia e Kosovës, e cila raportoi për rastin, e cilësoi veprën “vrasje në tentativë”.
Ngjarja ka ndodhur në orën 04:00 të mëngjesit të djeshëm në rrugën “Azem Azemi” në Gjilan.
“Raportohet se një mashkull kosovar është plagosur me armë zjarri, atij i është ofruar trajtimi mjekësor dhe sipas raportit mjekësor gjendja shëndetësore e viktimës është jashtë rrezikut për jetë. Personi i dyshuar, femër kosovare, është arrestuar dhe me vendim të prokurorit është dërguar në mbajtje. Rasti nën hetime”, thuhet në njoftimin e policisë.