Njoftim nga komuna e Prishtinës: “Rruga A” do të jetë me tri korsi në një drejtim

29 prill 21:13

Komuna e Prishtinës ka njoftuar se drejtoria e Investimeve Kapitale dhe Menaxhimit të Kontratave ka përcjellur materialin ofertues për projektin “Ndërtimi i “Rrugës A” (kolektori dhe rruga).

Sipas njoftimit, në kuadër të këtij projekti përfshihet rruga me të gjitha instalimet nëntokësore.

“Rruga do të jetë me tri korsi në një drejtim. Për autobus do të ketë korsi të veçantë, ndërsa dy korsitë e tjera do të shfrytëzohen për vetura. Rruga do të ketë shtegun e biçiklistave dhe trotuarin afër saj. Po ashtu do të ketë tre shtigje të hapësirave gjelbëruese”, thuhet në njoftimin e Komunës.

Më tej thuhet se “‘Rruga A’, do të ndihmojë dukshëm në shkarkimin e trafikut të Prishtinës së Re, në të cilën ndërtimi i segmentit të LOT I do të kushtojë rreth 8 milionë euro. LOT I, do të përfshijë segmentin nga ‘Veterniku’ deri të vazhdimi i ‘Rrugës B’”.

Gjatë fundjavës që shkoi, më 23 dhe 24 prill, në kryeqytet është testuar funksionimi i qarkullimit njëkahor në unazën e brendshme.

Lajme të sponsorizuara

Të fundit
Agjencia e Kosovës për Inteligjencë (AKI) ka kërkuar mbi 400…