Nju Jorku bëhet vatra më e madhe e koronavirusit, 5 mijë raste brenda ditës

24 mars 21:12

Nju Jorku është epiqendra e infektimit nga koronavirusi, sepse atje janë regjistruar një e treta e personave pozitivë në Shtetet e Bashkuara të Amerikës, ndërsa virusi po përhapet pesë herë më shpejt sesa në pjesët e tjera të vendit.

“Një në një mijë banorë të Nju Jorkut tashmë është infektuar”, deklaroi koordinatorja e Grupit punues për luftë kundër koronavirusit Debora Briks.

Dendësia e popullatës është një ndër problemet në qytet, transmetojnë mediet amerikane, duke theksuar se në Nju-Jork tani ka përqindje më të madhe të të infektuarve sesa në Itali.

Arsyet për këtë, siç theksojnë, janë rrëmuja në trafik, parqet e stërmbushura publike dhe ndërtesat e mbipopulluara.

Guvernatori i shtetit të Nju Jorkut, Endru Kuomo i urdhëroi spitalet menjëherë t’i rrisin kapacitetet për pranimin e të infektuarve me 50%.

Vetëm gjatë ditës së djeshme janë paraqitur 5.000 raste të reja, me çfarë numri i të infektuarve është rritur në 21.689 në rajonin më të gjerë të qytetit, derisa vetëm në qytet ka 13.119 persona të infektuar, shkruan “gazetaexpress”.

Nga COVID-19 në Nju-Jork deri mbrëmë kanë vdekur 125 persona.

Guvernatori i Nju Jorkut, Andrew Cuomo, paralajmëroi sot në një konferencë për shtyp se ajo që po ndodh me Nju-Jorkun do të përfundojë duke ndodhur edhe me shtetin e Kalifornisë, Uashingtonin dhe Illinoisin, sipas “CBSNews”.

Cuomo theksoi se rritja e rasteve në Nju Jork nuk është “një fenomen i Nju-Jorkut” dhe se njerëzit në të gjithë vendin duhet të presin një rritje të ngjashme.

“Ku jemi sot, do të jeni ju në tri, katër, pesë ose gjashtë javë më vonë. Ne jemi e ardhmja juaj dhe ajo që ne bëjmë këtu do të përcaktojë kursin për atë që bëjmë në qytetin dhe në komunitetin tuaj”, vazhdoi ai.

Nju Jorku i ka rritur testimet për COVID-19 dhe po e shndërron një qendër kongresesh në një qendër trajtimi për pacientët me koronavirus.

“Unë po ju kërkoj të ndihmoni Nju Jorkun që të ndihmoni veten”, tha Cuomo.

Shtetet po luftojnë për të përballuar mungesën e maskave dhe ventilatorëve N95, midis pajisjeve të tjera mjekësore.

Në një postim në llogarinë e tij në “Twitter”, Cuomo theksoi se qeveria federale duhet t’i shpërndajë ventilatorët në bazë të nevojës dhe se Nju-Jorku kishte nevojë tani për ato.

Ai shtoi se pasi Nju Jorku të kalojë kulmin e kësaj pandemie, do t’i shpërndajë ventilatorët kudo që do të duhen.

Lajme të sponsorizuara

Të fundit
Amir Rrahmani po zhvillonte një sezon fantastik. Ai nënshkroi ndoshta…