Modelja e njohur, Beniada Nishani, ka zbuluar disa detaje më shumë rreth jetës së saj private, tani që ndodhet brenda shtëpisë së “Big Brother Vip”. Më herët ajo ka treguar se ka pasur një lidhje me një lojtar të Serisë A.

Por gjatë një bisede me Monika Lubonjën, Beniada, e cila njihet ndryshe edhe si një tifoze e Juventusit, ka pranuar se ka qenë e lidhur me një djalë që luante me Milanin.

“Jam single. Kam qenë e lidhur nga mosha 16 deri 23. Njoha këtë çunin që ishte moshatar me mua, ishte 16 vjeç, ishte futbollist e lozte te Milani”, tha Beniada e cila fajëson mamanë e saj që e shtyu drejt kësaj lidhje, pasi ajo ishte shumë e vogël.

Më pas modelja seksi shprehet se ka qenë ajo që e ka lënë pasi ishte mërzitur.

“Sigurisht e kam dashur. E lashë se nuk më donte më, donte vetëm futboll, futboll, futboll. Mbaroja shkollën unë të shtunën, të dielën ai lozte. Unë shkoja në Sondrio, në Bergamo, në Milano për ta parë si luante. Pas një lidhjeje 7-vjeçare erdhi një moment qe nuk e duroja dot më as kur më puthte”, tregoi Beniada.