Nuk ka marrëveshje për reformën zgjedhore në Shqipëri

01 qershor 00:30

Reforma zgjedhore në Shqipëri nuk është arritur që të mbyllet brenda datës së diel, për shkak se palët politike nuk kanë gjetur rrugën e marrëveshjes.

Pas rreth katër orësh, palët, edhe pse kishin rënë dakord që reforma të mbyllej të dielën, nuk kanë gjetur gjuhën e përbashkët. Ndërkohë Këshilli Politik do të vazhdojë mbledhjet pas 31 majit ku e radhës pritet të jetë të hënën.

Përfaqësuesi i PD-së, Oerd Bylykbashi ka bërë me dije pikat ku nuk kanë gjetur një konsensus.

“Opozita ofroi konsensus. Por PS nuk ishte e gatshme duke synuar që të mbajë një proces zgjedhor si 30 qershori. Opozita nuk heq dorë për garancitë e votës. Jemi të gatshëm për të vazhduar punën dhe presim që PS të bëjë hapat e parë”, ka deklaruar Bylykbashi, raporton “TCh”.

“Nuk është çështje pazaresh politike. Bëhet fjalë për themelin e votës. Kjo do të thotë të rrisësh garancitë minimale në proces. Propozimet nuk sigurojnë asnjë privilegj për opozitën vetëm barazi. Kjo është dhe mbetet qëndrim parimor i cili nuk ka mundësi të negociohet. Në plotësojmë një kusht të rëndësishëm të BE”, ka thënë ai.

“Të gjitha përpjekjet e PS që të mbajë privilegjet dhe të mos heq dorë nga komisionet dhe kontrolli i KQZ-së, tregojnë vlerën e qëndrimeve të opozitës. Boshllëqet që ata kërkojnë të krijojnë janë të mëdha. Falënderoj kontributin e partnerëve ndërkombëtar për kompromis. Janë privilegje të qeverisë mbi procesin zgjedhor dhe është e papranueshme. Jemi të gatshëm për zgjidhje me kompromis”, ka shtuar Bylykbashi.

Lajme të sponsorizuara

Të fundit
Zëdhënësja e PSD-së, Natyra Kuçi, përmes një postimi në llogarinë…