Një ngjarje e rëndë ka ndodhur në Francë ku, policia vrau një adoleshent që refuzoi të ndalonte për një kontroll trafiku jashtë Parisit. Mediat e huaja raportojnë se shoferi 17-vjeçar ishte në periferi të Parisit kur policia e qëlloi për vdekje pasi ai shkeli rregullat dhe nuk arriti të ndalonte, thanë prokurorët.

Ngjarja e rëndë është filmuar dhe në pamjet që qarkullojnë në mediat sociale tregon dy oficerë policie që përpiqen të ndalojnë automjetin dhe njëri i drejton armën shoferit nga dritarja duke qëlluar kur ai largohet. Makina ka lëvizur disa dhjetëra metra përpara se të përplasej.

Il suffisait de s’arrêter non ? #Nanterre pic.twitter.com/5BV4a5TvAY

— Guillaume.ppi (@ppi_guillaume) June 27, 2023

Ekipet e shpëtimit u përpoqën ta shpëtonin, por i riu ndërroi jetë. Në automjet ndodheshin edhe dy persona të tjerë. Pasagjeri i parë u arratis, por i dyti, gjithashtu i mitur, u arrestua dhe u dërgua në mbajtje.