OBSh-ja: Së paku 2.2 miliardë njerëz kanë probleme me shikimin

10 tetor 14:00

Mbi një miliard njerëz në gjithë botën jetojnë me shikim të dëmtuar, sepse nuk marrin kujdesin e nevojshëm, vlerëson raporti i parë për këtë çështje, i publikuar nga Organizata Botërore e Shëndetësisë (OBSh).

Sipas tij, në total janë së paku 2.2 miliardë njerëz që kanë probleme me shikimin ose janë të verbër.

Raporti ka theksuar se arsyet kryesore të kësaj gjendjeje janë popullsia në plakje, ndryshimi i mënyrës së jetesës dhe qasja e kufizuar në kujdesin për sy, sidomos në vendet me të ardhura të vogla ose të mesme.

“Është e papranueshme që 65 milionë njerëz në botë janë të verbër ose kanë shikim të dëmtuar, kur shikimi i tyre ka mundur të përmirësohet brenda natës me operim të perdes së syrit”, ka thënë Tedros Adhanom Ghebreyesus, sekretar i përgjithshëm i OBSh-së.

Ai po ashtu ka thënë se mbi 800 milionë njerëz në botë luftojnë të bëjnë aktivitetet e përditshme sepse “nuk kanë qasje në një palë syze”.

Raporti i OBSh-së vjen në Ditën Botërore të Shikimit, e cila shënohet më 10 tetor.

Lajme të sponsorizuara

Të fundit
Gazmend Syla, këshilltar politik i kryeministrit në detyrë dhe drejtor…