Një ekspert i OKB-së ka paralajmëruar përballjen e botës me një “aparteid” të shkaktuar nga ndryshimet klimatike.

“Të pasurit do të paguajnë për të shpëtuar nga uria, derisa pjesa tjetër e botës do të lihet të vuajë”, ka thënë Philip Alston, raportues i posaçëm i OKB-së, për varfërinë ekstreme.

Sipas tij edhe pse disa objektiva për të adresuar këtë çështje aktualisht janë arritur, miliona njerëz do të varfërohen në botë, raporton “Rel”.

Në raportin e tij, ai ka theksuar se të varfrit në botë, ka gjasa të goditen më së shumti nga temperaturat në rritje, mungesat e mundshme të ushqimit, si dhe konfliktet që mund të shoqërojnë një ndryshim klimatik.