Orhangazi dhe Malisheva pajtohen për bashkëpunim në fushën e arsimit

14 dhjetor 10:31

Me ftesë të Komunës së Orhamgasit në Turqi, një delegacion i gjerë nga Malisheva, i prirë nga kryetari i Komunës së Malishevës, Ragip Begaj, po qëndron në këtë qytet, me të cilin janë të binjakëzuar vite më parë.

Në ditën e parë të qëndrimit në Orhangazi të dy qytetet janë pajtuar për bashkëpunim në fushën e arsimit, përmes projekteve konkrete.Kryetari i Orhangazit, Neset Çaglayan dhe kryetari i Malishevës, Ragip Begaj, kanë biseduar për vazhdimin e bashkëpunimit mes dy komunave, përkatësisht qyteteve, në fushat me interes të përbashkët, sidomos në arsim dhe ekonomi.

Delegacioni nga Malisheva, ku bën pjesë edhe drejtori i Arsimit, Avdi Morina, së bashku me kryetarët Çaglayan dhe Begaj, kanë vizituar disa nga institucionet arsimore në Orhangazi, ku janë pajtuar që të dy qytetet të bashkëpunojnë në fushën e arsimit përmes projekteve konkrete.

Në ditën e dytë të vizitës delegacioni nga Malisheva ka vizituar disa biznese dhe kompani turke me qëllim të bashkëpunimit të bizneseve të Orhangazit dhe atyre nga Malisheva.

Lajme të sponsorizuara

Të fundit
Kuvendi i Republikës së Kosovës , do të shqyrtojë për…