Gjatë një takimi në Klinë, kandidatja për Presidente nga radhët e Lidhjes Demokratike te Kosovës (LDK) shprehu mirënjohjen për strukturat lokale që, sipas saj, kanë bërë një punë të jashtëzakonshme në forcimin dhe rritjen e partisë.

Ajo theksoi se, së bashku me themeluesit e LDK-së dhe aktivistët e rinj, u diskutuan hapat e ardhshëm politikë dhe organizativë, duke nënvizuar se angazhimi për zhvillimin e partisë nuk ndalet me kaq.

“Puna nuk ndalet këtu. Ditë shumë më të mira na presin”, u shpreh kandidatja, duke përcjellë optimizëm për të ardhmen dhe për forcimin e mëtejshëm të LDK-së në gjithë vendin.