Organizata e Veteranëve të Luftës së UÇK-së ka reaguar pas gabimeve që janë bërë në tabelat e rrugëve në Pejë, duke shkruar se ky është analfabetizmi i institucioneve komunale të Komunës së Pejës.

Përmes një njoftimi në rrjetin social “Facebook”, OVLUÇK ka thënë se Komuna e Pejës i ka shkruar gabimisht emrat e heronjve të kombit.

“Nuk kanë dijeni t’i shkruajnë as emrat e Heronjve të Kombit. Sa për informim, në listën e Dëshmorëve të Dukagjinit dhe të gjithë Kosovës nuk ka dëshmorë të UÇK-së Ardian Krasniqi e Sali Çeku. Heronjtë tanë janë ADRIAN KRASNIQI nga Vranoci dhe SALIH ÇEKAJ nga Broliqi”, thuhet në reagimin e OVL të UÇK-së, dega në Pejë, të publikuar në “Facebook”.

Njoftimi i plotë:

Analfabetizmi i institucioneve komunale të Komunës së Pejës!

Nuk kanë dijeni t’i shkruajnë as emrat e Heronjve të Kombit.

Sa për informim, në listën e Dëshmorëve të Dukagjinit dhe të gjithë Kosovës nuk ka dëshmorë të UÇK-së Ardian Krasniqi e Sali Çeku.

Heronjtë tanë janë ADRIAN KRASNIQI nga Vranoci dhe SALIH ÇEKAJ nga Broliqi.