Juristi i njohur Dastid Pallaska ka kritikuar sot kreun e Qeverisë, Albin Kurtin për të cilin ka thënë se do të duhej të shkonte deri në hënë për të marrë vesh nëse ka një marrëveshje të dëmshme për Kosovën.

Në profilin e tij në “Facebook”, ai ka shkruar se një kryeministër i aftë dhe guximshëm do ta kundërshtonte një marrëveshje të tillë nga pozita e tij kudo.

Postimi i plotë i Pallaskës:

Një Kryeministër në shërbim të vendit do të duhej të shkonte edhe në hënë për ta zbuluar një marrëveshje të dëmshme për vendin.

Një Kryeministër i aftë dhe i guximshëm do ta kundërshtonte një marrëveshje të tillë nga pozita e tij kudo, para çdokujt dhe në çdo kohë.

Vetëm një Kryeministër popullist e braktisë pozitën e vet – duke prishur qëllimisht koalicionin qeverisës – dhe me oratori mundohet të mbulojë mungesën e aftësisë dhe guximit për t’i shërbyer vendit në një moment testimi.