Papa Leoni e ka hapur vitin 2026 të enjten me një thirrje për paqe, duke veçuar vendet e veçanta “të përgjakura nga konflikti” dhe familjet e plagosura nga dhuna.

Ai ka festuar një Meshë të Vitit të Ri në Bazilikën e Shën Pjetrit dhe më pas ka mbajtur një lutje të veçantë në mesditë nga studioja e tij me pamje nga sheshi, i cili ishte plot me pelegrinë dhe turistë në ditën e ndritshme dhe të ftohtë.

Leoni ka vë në dukje se 1 janari shënon Ditën Botërore të Paqes së kishës dhe e shfrytëzoi rastin për të lëshuar një lutje.

“Le të lutemi të gjithë së bashku për paqe: së pari, midis kombeve të përgjakura nga konflikti dhe vuajtjet, por edhe brenda shtëpive tona, në familjet e plagosura nga dhuna ose dhimbja”, ka thënë ai, raporton “Associated Press”.

Pas një sezoni të ngjeshur Krishtlindjesh, Papa ka disa ditë pushim para se të festojë festën e Epifanisë së kishës më 6 janar. Edhe atë ditë, ai ka mbyllur zyrtarisht Vitin e Shenjtë 2025, festimin që ndodh një herë në çerek shekulli dhe që ka sjell miliona pelegrinë në Romë.