Kryetari i Prishtinës, Shpend Ahmeti përmes një postimi në ‘Facebook’, ka njoftuar se është arritur pajtimi në mes Parking Prishtinës dhe Shoqatës së Invalidëve të Luftës – Dega në Prishtinë, rreth menaxhimit të dy parkingjeve që menaxhoheshin nga kjo e fundit.

“Drejtori i Prishtina Parking, Liridon Restelica dhe përfaqësuesit e shoqates janë dakorduar për të kaluar në menaxhim parkingjet.  Veteranët e punësuar do të kalojnë në Prishtina Parking, ndërsa Komuna do ta mbështes Shoqaten për zyre për shkak të hendekut të krijuar nga ndalja e të hyrave”, ka shkruar Ahmeti.

Postimi i plotë i Ahmetit:

Parkingu “Flamurtari” (Te Santeja) dhe Parkingu ne Breg të Diellit te “Qendra Tregtare” që janë menaxhuar nga Shoqata e Invalidëve të Luftes – Dega Prishtinë, tash e tutje do të menaxhohen nga Prishtina Parking.

Drejtori i Prishtina Parking, Liridon Restelica dhe përfaqësuesit e shoqates janë dakorduar për të kaluar në menaxhim parkingjet.  Veteranët e punësuar do të kalojnë në Prishtina Parking, ndërsa Komuna do ta mbështes Shoqaten për zyre për shkak të hendekut të krijuar nga ndalja e të hyrave.

Prishtina Parking do të menaxhojë parkingjet sipas politikave me prioritet banorët e lagjes, dhe me mirëmbajtje të rregullt. Në Breg të Diellit do të investohet në parking për ta përmirësuar infrastrukturën.

#prishtina