Kryetari i degës së PDK-së në Itali, Patriot Krasniqi, njëherit kandidat për deputet në zgjedhjet parlamentare që do të mbahen me 9 shkurt 2025, ka reaguar pas aktit të mbrëmshëm terrorist mbi kanalin e ujit të Ibër-Lepencit.

“Akti terrorist i mbrëmshëm në kanalin e sistemit Ibër Lepenc, por edhe shpërthimet e mëparshme në institucionet tona në veri të vendit e dëshmojnë se siguria nacionale duhet të përafrohet me standardet më të larta të partnerëve si SHBA, dhe NATO.”, ka shkruar në reagimin e tij, Patriot Krasniqi.

Reagimi i plotë:

Akti terrorist i mbrëmshëm në kanalin e sistemit Ibër Lepenc, por edhe shpërthimet e mëparshme në institucionet tona në veri të vendit e dëshmojnë se siguria nacionale duhet të përafrohet me standardet më të larta të partnerëve si SHBA, dhe NATO.

Qeveria aktuale ka vënë në rrezik, integritetin e forcave të sigurisë, duke i kthyer ato në një mjet për propagandën politike dhe fushatë elektorale.

Aty ku ka propagandë politike, nuk ka profesionalizëm e as devotshmëri në shërbim të sigurisë.

Vendit tonë i duhet partneriteti e kordinimi me aleatët në fushën e sigurisë. Nuk mund të prishet status quo-ja, pa këtë partneritet.

Nuk na duhet reciprociteti me Serbinë në gjërat e liga me slloganin “Sot ata, nesër na”

Kësaj politike i ka ardhur fundi.