Me rastin e 11-vjetorit të pavarësisë së Kosovës, kryetar i Nismës Socialdemokrate në Gjakovë, Fazli Hoxha, i shoqëruar edhe nga bashkëpunëtorët ka ndëruar dëshmorët.

Hoxha përmes një postimi në llogarinë e vet në “Facebook”, ka shkruar se njëmbëdhjetë vite më parë u realizua ëndrra e madhe që krahas lirisë, Kosova të bëhet shtet i pavarur, sovran dhe demokratik.

“Kosova do të jetë shtet i përjetshëm, në të cilin do të ndërtohet perspektivë e ndritur për ne dhe brezat që do vijnë pas nesh”, ka shkruar Hoxha.

Postimi i plotë i tij:

Me rastin e 11-vjetorit të Pavarësisë së Kosovës nderuam dëshmorët!

Njëmbëdhjetë vite më parë u realizua ëndrra e madhe që krahas lirisë, Kosova të bëhet shtet i pavarur, sovran dhe demokratik.

Në këtë 11-vjetor të Pavarësisë kujtojmë dhe nderojmë veprën, trimërinë, guximin dhe vizionin e të gjithë heronjve, dëshmorëve, martirëve të Kombit, të cilët u rreshtuan në Ushtrinë Çlirimtare të Kosovës, dhe falë tyre ne sot e gëzojmë lirinë dhe shënojmë Ditën e Shtetësisë.

Kosova do të jetë shtet i përjetshëm, në të cilin do të ndërtohet perspektivë e ndritur për ne dhe brezat që do vijnë pas nesh. 

Urime 11-vjetori i Pavarësisë!